Uda garaian, Camping el Molinoko igerilekuan, haurrak eta nagusiak iji eta aja ibiltzen dira, izan ere, irrist eginez uretan murgiltzeko txirrista izugarri dibertigarria baitugu eta gainera, gure igerilekua oso lasaigarria da, jacuzzia du. Eguzkiaz gozatzeko eta hodeiei so egiteko solarium zonaldea dugu.

Nafarroa bisitatu ondoren, egunaren bukaeran, gure Spadun igerileku estalia erlaxatzeko leku paregabea da. Denboraldi osoan zehar zabalik dago eta iluntzean, ilargiaz eta izarrez gozatzeko aukera ematen du. Frogatzen duenarentzako luxua da.

Gure bezeroentzako pribilegio bat da Arga ibaira irteten den ontziraleku bat izatea. Nafarroako ibai honetan nabigatzea inguruko natura ezagutzeko modu bikaina da, bere errota, pasarela eta zubiez gozatuz... Xarmaz beterik dagoen ibai parkeko ibilbidea piragua edo pedal-ontzia erabiliz zeharkatu daiteke.

Camping el Molinok duen Jatetxeak, garaiko jakiei garrantzia berezia emanez, maitasun handiarekin eginiko plater goxoak dastatzeko aukera ematen du. Gainera, snack-bar txosna eta Taberna Kafetegi bat ditu.

Erosketak egin behar badituzue edo ahaztutako produkturen bat erosi nahi izatekotan, lasai egon, goi-denboraldian beti zabalik dagoen supermerkatua dugu zuen zerbitzura. Gure supermerkatuak, egunero, ogi egin berria eskaintzen du.

Mikrouhindun eta hozkailudun hainbat sukalde ditugu alokagai. Edo nahiago baduzue, janaria txingorretan erre nahi izatera, aisialdi gastronomiko tarte on bat igarotzeko barbakoa eta piknik mahaiak eskura dituzue.

Kanpinak, beti, kirola egitea dakar nolabait. Horregatik, kirolari zaretenok 2 squash kantxa, futbol zelai bat, saskibaloi zelai bat, areto-futbol zelai bat, tenis-pista bat eta minigolfa eskura dituzue. Aurretik esandakoei, aisialdirako dugun 36.000m2-ko inguru berdea erantsiz, gure ostatua erreferentziazko kanpina da Espainia iparraldean.

Etxeko txikiek haur parke bat dute, haren sareetan jolastuz eta txirristetan irrist eginez, benetako abenturazaleek bezala gozatu dezaten.

Camping El Molinon badakigu maskotak gure bizitzetan zeinen garrantzitsuak diren. Horregatik, hemen ongi etorriak dira eta partzeletan ostatu har dezakete, edo bestela, Bungalow Gitotel-etan. Hala ere, urtez urte, kanpineko eremuan korrika, saltoka, uretan jauzika eta buztinetan jolasten ibiltzen direla ikusi dugunez, beren bainuontzi propioak izan behar dituztela erabaki genuen. Beraz, zikintzen badira, bainuontzira.

Kanpineko harreran zure egonaldian zehar lagunduko zaituzten langileak aurkituko dituzu. Ingurua ongi ezagutzen dutenez, atseginez azalduko dizkizute gure lurraldeko turismo-baliabideak zein diren. Ibilbide, monumentu eta xarmadun herrixken inguruko informazioa eskaintzen duten esku-orriak aurkituko dituzu hizkuntza desberdinetan.

Eta eskudirua behar izatekotan, kutxazain automatiko bat eskura duzu.

Kanpineko goi-denboraldian zehar, haurrek gure begiraleekin jarduera ugari egin ahal izango dituzte. Haur animazio egitarau zabala dugu eta izugarri ondo pasatzen dute bertan.